ആയുസ്സ്

നേരം പുലരുന്നു.. സത്യങ്ങൾ ഉണരുമ്പോൾ..
ഊഹാപോഹങ്ങൾ വാർത്തകളായി..
ഭൂമിക്കു കള്ളനോട്ടു കൊണ്ട് തുലാഭാരം
മരണത്തിന്റെ പാർട്ടി തേടി പുല അടിയന്തിരം..

കൊലപാതകികൾ റീത്ത് വക്കുന്നു
മനസാക്ഷിയുടെ നെഞ്ചത്ത്..
അപരാധിയെ വെറുതെ വിടുന്നു
കള്ളസാക്ഷിക്ക് കൂറ് മാറാൻ

ദുഖം അലിയുമ്പോൾ കണ്ണീരിൽ നീന്തുന്നു .. മിഴികൾ.
ആഡംബരത്തിൽ ആർമാദിച്ചു രാപ്പകലില്ലാ ആലസ്യം
വികാരം അടക്കാൻ കഴിയാതെ ശരീരം
ചാടിവീഴുന്നു ദൗർബല്യങ്ങലിൽ

അടിമത്തം ഇറക്കുമതി ചെയ്യാൻ
കപ്പം കൊടുക്കുന്നു ബംഗാളിൽ
സത്യം കാണാനാകാതെ
തലകൾ തിരിക്കുന്നു ഇടം വലം

കണ്ണും ചെവിയും കവർന്നെടുത്തു
തലയില്ലാത്തോരുടലിനെ
വിയർപ്പും കൈകൂലിയും ചീയേർസ് വിളിച്ചു
മദ്യശാലയിൽ ഇരുളത്..

കണ്ണീർ കയ്യിൽ കഴുകാൻ കൊടുത്തു
ഒഴിഞ്ഞ കീശ കുപ്പായം
പൂമുഖങ്ങളിൽ നിവർന്നു കിടന്നു.
ഇടറിയ കാൽ പാദങ്ങൾ

ആലസ്യത്തിനു കൂടു വരുന്നു
പേരറിയാത്ത പല രോഗങ്ങൾ
എന്നിട്ടും ജീവിതത്തിനു കണക്കു പറയുന്നു
നേരം നോക്കി  ആയുസ്സ്..