ഉമ്മ വെച്ചുമ്മ വെച്ച്
എനിക്ക് ഭ്രാന്താകുമ്പോ
എന്റെ മുടിയിൽ ഒരുമയിൽപീലി
കിളിച്ചുവരും.. ..
അന്നേരം നിന്റെ ഇമകളിൽ
ആയിരം മയിലുകൾ പറന്നു വരും
പറന്നുപറന്നുവന്നവ
പലനിറങ്ങളിൽ
പീലിനിവർത്തി നൃത്തം വെയ്ക്കും
നീ
നൃത്തം; കാണാതെയെഴുതിപഠിച്ചൊരു-
പാട്ടാകും..
നിന്റെ പാടുന്ന ചുണ്ടിൽ
ഉമിനീരാഴത്തിൽ
എന്റെ ചുണ്ട് വെയ്ക്കുന്ന നൃത്തം
മഴയാകും
പാട്ടിന്റെ താക്കോൽകൂട്ടം
അരയിൽ തിരുകി നീ
ചുണ്ടിൽ അറിയാത്തൊരു;
ചിരി കിലുക്കും..
ആ കിലുക്കം തിരിച്ചറിഞ്ഞു
ഒരു മറുകിന്റെ കറുപ്പണിഞ്ഞു
ജന്മത്തിന്റെ പകുതിയിൽ വെച്ച്
ഒരു മൂക്കൂത്തിത്തിളക്കത്തിൽ
കയറിവരുന്ന മുറപ്പെണ്ണിനെ
ഞാൻ തിരിച്ചറിയും..
ആ തിരിച്ചറിവ്
ഇതുവരെ ശരീരഭാഷയിൽ മിണ്ടാത്ത,
തൊടാത്ത,
പുതിയൊരു സ്പർശത്തിൻ
അറിയാത്ത തണുപ്പാകും.
ആ തണുപ്പ്
നിന്റെ കാണാത്ത
പുഴയുടെ അഴകാകും
നീ തമിഴ് ഭാഷയിൽ
നിറഞ്ഞൊഴുകുന്ന പുഴയാവും..
ഞാൻ അതിന്റെ ഓളങ്ങളിൽ തുളുമ്പും
നിലാവലിഞ്ഞവെണ്ണയാകും..
അപ്പോ ഞാൻ
നിന്നെ കണ്ണിൽ വെച്ച
പഴയ ഉമ്മകൾ
ഇമകളായി തളിരിട്ടു
പൂവിട്ടു തുടങ്ങും
അപ്പോൾ ഞാൻ നിന്നെ
കണ്ണാന്നു...
കാതിൽ വിളിച്ചു
നിന്റെ കണ്ണിന്റെ തിളക്കത്തിൽ
എന്നെ
വീണ്ടും തിരിച്ചറിയാൻ കാത്തുനില്ക്കുന്ന
കറുകറുത്ത പുതിയ മുറചെക്കനാവും..
കിലുകിലുങ്ങുന്നുണ്ടൊരു കവിത!!
ReplyDeleteഎഴുത്തിൽ പിച്ച വെച്ച് തുടങ്ങിയ കാലം തൊട്ടു കൈ പിടിച്ചു നടത്തിയത്
Deleteഅജിത്ഭായ് തന്നെയാണ്
ഒത്തിരി സ്നേഹം
ReplyDeleteവീണ്ടും തിരിച്ചറിയാൻ കാത്തുനില്ക്കുന്ന
കറുകറുത്ത പുതിയ മുറചെക്കനാവും..
പുഴ പോലെ ഒഴുകി കവിതക്ക് ആശംസകൾ....
നന്ദി സുഹൃത്തേ സന്തോഷം സ്നേഹപൂർവ്വം
Deleteഅമ്പട മുറച്ചെറുക്കാ... YOU NAUGHTY.... ! ഇഷ്ടമായി ബൈജു ഭായ്.. :)
ReplyDeleteശുഭാശംസകൾ....
സൗഗന്ധികം13 May 2013 at 18:52
Delete1BHK, 2BHK....
പക്ഷേ, എല്ലാം അരക്കില്ലങ്ങൾ തന്നെ..!!
നല്ല കവിത
ശുഭാശംസകൾ...
സൗഗന്ധികത്തിന്റെ ആദ്യ അഭിപ്രായം
ഇന്നത്തെ അഭിപ്രായം വായിക്കുമ്പോഴും അന്നത്തെ അതെ പുതുമ സ്നേഹം സന്തോഷം
അത് തന്നെ അല്ലെ എഴുത്തിന്റെ പുണ്യവും സന്തോഷവും
സ്നേഹപൂർവ്വം
കറുകറുത്ത ഒരു മുറചെക്കൻ...
ReplyDeleteഒരു കാമുകിയെ എങ്ങിനെയൊക്കെ ആസ്വദിക്കുന്നു!
ReplyDeleteഒഴുക്കിലൂടെ ഒഴുകയങ്ങനെ......
ReplyDeleteആശംസകള്