Saturday, 1 July 2017

ആരും വിളിക്കാത്ത പേര്

വീടിന്
ബുക്കെന്ന് പേരിട്ട്
ഒരു വാക്കായി
അവിടെ കയറി
താമസിക്കണമെന്നുണ്ടായിരുന്നു

ഒരു വാക്കിന്റെ ഏകാന്തതയ്ക്ക്
ആരോ
പണിഞ്ഞു കൊടുത്തതാവണം
കവിത

എന്നിട്ടും അതിലൊരു വാക്കായി
ഇരിയ്ക്കുവാൻ
പരാജയപ്പെട്ടു പോകുന്നു

ഇനി കവിതയിലേയ്ക്ക്
വൈകി വരുന്ന
വാക്കുകൾക്ക് താമസിക്കുവാൻ
ഒഴിഞ്ഞുകൊടുക്കണം
സ്വന്തം ഉടൽ 
കിളിയായിട്ടെങ്കിലും

അത്രമേൽ പ്രീയപ്പെട്ട
ഒരാളുടെ
അസാന്നിധ്യത്തിൽ
ചാടിമരിച്ച
മിന്നാമിന്നികളുടെ
തീ പിടിച്ച ഉടലിന്
ഇനി
അത്രമേൽ
നിശബ്ദമായി
ആരും വിളിക്കാത്ത
ഒരു പേരിടണം
വെറുതെയിരിക്കണം!

3 comments:

  1. ആരും വിളിക്കാത്ത ഒരു പേര് .. അത് നിശബ്ദമായി ഒന്ന് വിളിക്കണം ..മൗനമായ് ആരെങ്കിലും അതൊന്ന് കേട്ടിരുന്നെങ്കിൽ ..

    ReplyDelete
  2. കുറച്ച് വാക്കുകളുടെ ഏകാന്തതയ്ക്ക്
    ആരോ പണിഞ്ഞു കൊടുത്തതാവണം കവിത ..!

    ReplyDelete